Garoñarekin moztu

Datorren ekainaren 10ean, larunbata, Madrilen Iberiako Mugimendu Antinuklearrak manifestazio batera deitu du. Une garrantzitsua da, 40 urte betetzear dute eta estatuan zentralen bizitza sine die luzatzeko asmoa dutelako eta hori gerta ez dadin borrokatu behar dugu.

Autobusa egongo da: Bilbo-Gasteiz-Miranda-Burgos-Madril

20 euro joan-etorria edo 15 joan edota etorria.

Izena emateko: bizkaia@ekologistakmartxan.org, 944 790 119

(beranduenez ostegunean, ekainak 8, 19:00 arte)

DEIALDIA:  ZENTRAL NUKLEARREKIN 60 URTE EZ, EZ eta EZ

Deialdi hau defendatzen dugun pertsonek kultur eta jatorri ezberdinak ditugu; pertsonalki egiten dugu honekin bat, edo erakunde ezberdinetan parte hartzen dugu: kontsumo taldetan, talde ekologistetan, auzo, kooperatiba, indar politiko, sindikatu, hainbat mugimendu; lan mundutik gatoz, politika mundutik, kulturaren mundutik, unibertsitateetatik, osasun edo zientzia mundutik.

Kezka amankomun bat partekatzen dugu. Legeak ahalbidetzen du Espainian diharduten zazpi erreaktore nuklearren jabeek (ENEL-ENDESA, Iberdrola eta Gas Natural FENOSA-) funtzionamendu baimenen berriztatzea eskatzea hemendik eta datorren urte bukaerara arte; hau da, Almaraz 1 eta 2 (Extremadura) eta Vandellós 2 (Katalunia), 2017ko ekainaren 8 eta uztailaren 26tik aurrera, hurrenez hurren; Cofrents (Valentzia), 2018ko martxoaren 20tik aurrera, eta Ascó 1 eta 2 (Katalunia), 2018ko urriaren 2tik aurrera. Salbuespen bakarra Trillo izanik (Castilla la Mancha), 2021eko azaroaren 17tik aurrera.

Baimen horien berriztatzea PP gobernuaren eskutan besterik ez dago, CSNak (Segurtasun Nuklearrerako Kontseiluak) 2016ko azaroan arauak aldatu zituenez, nahitaez pasatu behar zuten segurtasuneko berrikuste teknikoa baimen berriaren ematetik bananduz. Beraz, PP taldeak enpresen eskaeren ondoren berriztatze baimena edonoiz eman dezake, berez 2020, 2021 edo 2024 urteetan pasa beharko zituzten berrikuste teknikoak pasatzera itxaron gabe.

CSNak dagoeneko Garoñaren lan adina beste 60 urtez (2031 arte) baimendu duenez, beste eskaeren berriztapenak ere beste 60 urtetarako egingo dira. Oso hondatuak dauden zentral nuklearrak izanik mehatxu larriak dira bai gaur egungo eta baita etorkizuneko belaunaldientzat ere.

Zentral nuklearrak lehenbaitlehen itxi behar dira: ingurumenarekiko eragina izan dute beti, pertsonen osasunaren eta bizidun guztienganako eragina ere, beti segurtasunerako arrisku bat eta hondakin ekonomiko bat izan da, elektrizitatea kontsumitzen dugun guztien artean ordaindu dugun zerbait.

Txernobil edo Fukushima bezalako hondamendiak har ditzakegu adibidetzat, bertan gaur eta etorkizunean oraindik ere sufrimendua eta heriotza eragiten dituztenak, noiznahi berriro gerta daitezken hondamendiak; baina, hain urrunera joan gabe, hausnarketa simpleago batekin ere aski dugu: 20 urte gehiagoko hondakin erradioaktiboen handitzeak, milaka urtez arriskutsuak izango direnak; nuklearren emisioak, egun bakoitzeko 40 elementu eta konposatu erradioaktibo baino gehiago (ugari eta arriskutsuak direnak barne, tritioa bezala, ur arruntetik bereizi ezin den ura eratzeko gai dena) sortzen dituena, eta eguneroko uranio meatzeak eta erregai nuklearraren fabrikazioak eragindako erradioaktibitatea.

Hau gutxi izango balitz bezala, oraindik geratzen da nuklearren ekarpenak gerrateei, ez plutonioarekin soilik, suntsiketa masiboko armetarako erabili daitekeena (Nagasaki gogora dezagun), baizik eta txirotutako uranioarekin ere, jaurtigaiak sortzeko erabilitakoa eta erregai fabrikazioaren hondar ugaritik sortutakoa dena. Jaurtigai batzuk Iraken eta Afganistanen erabili dira, eta susmoa dago Sirian ere bai; lehertzen diren tokian, populazio zibilari eta darabiltzaten militarrei urteetan zehar ondorio erradioaktiboak eraginez.

Orokorrean, gutxi dakigu guzti honi buruz, enpresa elektrikoen, banku handien, energia nuklearraren aldeko indar politikoen eta komunikabide nagusien arteko isiltasun ituna dugula eta.

Zentral nuklear horiek haien baimenak ez berriztatzeko helburuarekin, gizarte eta erakunde mobilizazio guztiak, ekainaren 10ean Madrilen egingo den manifestazio anti-nuklearra adibide, zeinari laguntza ekonomikoa eman diezaiokezun; defendatu eta horietan parte hartzen dugu (hala nola, ebazpen-proposamenak, mozioak edo lege-proposamenak), talde politikoek parlamentu, udaletxe edo kongresuan aurkeztu ahal izateko; nahiz eta hori nahikoa ez dela badakigun. Gizartean dugun ixiltasun-harresia gizarte mugimendu sendo batek besterik ezingo du gainditu, alderdi eta erakundeek gure ahotsak zuzenki entzun beharko dute, mekanismo aproposak erabiltzen baditugu.

Estatu guztiko Legegintzako Herri-Ekimena (ILP-a) da egun Kongresuan eragiteko dugun tresnarik onena, Kongresua zentral nuklearretarako baimenak ematen dituen PPko gobernua geldiarazi dezaken erakunde bakarra izanik. ILP bat Kongresura irits dadin 500.000 legeztutako sinadura behar dira gutxienez, 6 hilabete baino gutxiagotan bildu behar direnak, bere aurkezpen ofizialaren ondoren.

Badakigu baimenak oraindik berritzearen aurka dauden indar politikoek ez dutela legebiltzarreko gehiengoa politika energetikoan aldaketa eragiteko moduan. Horregatik, garrantzitsua da populazioaren gehiengoaren energia nuklearraren aurkako sentimendua islatzen duen gizartearen erantzuna, energia nuklearraren kontrako erresistentzia jada kontzientziatutako taldeengandik harantz eramaten duena, eta gizarte osora iristen dena.

ILP-a sortu nahi dugu. Eta zu ere batzera gonbidatzen zaitugu, parte hartzera eta ea helduko ote garen balioestera.

Deialdi honekin bat egiteko eskatzen dizugu (bat egindakoen zerrenda HEMEN ikusi ahal izango duzu) eta horretarako ondorengo galdetegia betetzera gonbidatzen zaitugu.

ILPa aurrera eramateko deialdi honek, gaztelaniaz , katalanez , euskaraz eta galegoz dagoena, ekainaren 20a arte ahalik eta babes eta konpromezu gehien lortzea du helburu. 

Uste dugu beharrezkoa dela ILP hau 2017ko udazkenean martxan jartzea, benetan industria nuklearraren inposatutako beste 60 urteei aurre egin nahi badiegu.

Kontsumo suntsigarriaren murriztapenean, energia-sistema %100 berriztagarrian, aurreztean eta eraginkortasun energetikoan oinarritutako modelo energetiko berria bultzatu behar da. Modelo berri hori "merkatu" deiturikoek inposatzen dituzten interesak uzteko zailtasunek geldiarazten dute, elektrikoen eta haren defendatzaileen zekenkeria barne (energia nuklearrak sortzen duen onura ekonomikoengatik). Energia garbia eta berriztagarria eredu bat da orain erabat posible eta bideragarria Iberiar Penintsulan.

ENERGIA SISTEMA %100 BERRIZTAGARRIAREN ALDE
ZENTRAL NUKLEARRIK GABEKO 2020 BATEN ALDE
NUKLEARIZAZIOAREN BESTE 60 URTERI EZ

BLOGA: http://ilp2020.blog.pangea.org/ 
POSTA ELEKTRONIKOA: ilp2020@pangea.org